17:09, 8 Նմբ 2019
Քաղաքական

«ՎԵՏՕ»-ն իր աջակցությունն է հայտնում Արայիկ Հարությունյանի հրաժարականը պահանջող երիտասարդներին

«ՎԵՏՕ»-ն իր աջակցությունն է հայտնում Արայիկ Հարությունյանի հրաժարականը պահանջող երիտասարդներին

«ՎԵՏՕ» հասարակական-քաղաքական շարժումը հայտարարություն է տարածել, որում ասվում է.

«ԵՊՀ ուսանողները, ՀՅԴ երիտասարդական միության հետ համատեղ, բողոքի անժամկետ ակցիաներ են սկսել կառավարության շենքի դիմաց: Դժգոհության առիթը ԿԳՄՍ նախարարության հեղինակած օրինագիծն է, համաձայն որի՝ «Հայոց լեզու», «Հայ գրականություն» և «Հայոց պատմություն» առարկաները ոչ պարտադիր են լինելու բուհերի համար:

«ՎԵՏՕ» հասարակական-քաղաքական շարժումը բազմիցս նշել է, որ իշխանությունը զավթած սորոսականներն առաջ են տանում ապազգային և պետականաքանդ օրակարգ` հետևողականորեն պայքարելով «հայ» արմատը կրող ցանկացած երևույթի դեմ:

Մեր անվերապահ աջակցությունն ենք հայտնում բոլոր ՀԱՅ ուսանողներին, ՀԱՅ երիտասարդներին և առհասարակ` բոլոր այն առողջ ուժերին, որոնք սորոսական «ուսանողական շարժման» նման փողերի դիմաց կեղծ օրակարգով ցույցեր չեն անում, չեն կեղծում իրենց, չեն վաճառում իրենց հայրենիքն ու ազգային ինքնությունը: Այս երիտասարդներն ազգային արժեքների և ազգապահպանման իրական ջատագովներ են:

«ՎԵՏՕ»-ն ուշադրությամբ հետևում է այս գործընթացներին, և այդ կապակցությամբ երկուշաբթի օրը խորհրդի նիստում կքննարկի բողոքի անժամկետ ակցիաներին պաշտոնապես միանալու, ՀԱՅ ուսանողների հետ ուժերի համատեղմամբ պետականությունը քայքայողների դեմ պայքարի մեծ ալիքին մասնակցություն ունենալու հարցը և համապատասխան հայտարարություն կտարածի»:

 

Նմանատիպ նորություններ

  • 22:07, 12 Նմբ 2019
    «Նախագահը պատանդի կարգավիճակ ունի». Ռոբերտ Քոչարյանի աջակից

    Ռոբերտ Քոչարյանը պատանդի կարգավիճակ ունի: Հայտարարել են դատարանի դիմաց հավաքված երկրորդ նախագահի աջակիցները: Նրանց շարքերում Լիլիթ Սարգսյանը հանդիպել է նաև Քոչարյանի նախագահության տարիներին հայրենադարձված սիրիահայի:

  • 22:06, 12 Նմբ 2019
    Սիմիդյանն ու Աթաբեկյանը վիճել են, իսկ Սիփան Փաշինյանը ծխում է

    Ազգային ժողովի միջանցքում լրագրողները նկատել են, որ միմյանց քաշքշում են Իմ քայլի պատգամավորները: Նրանք փորձել են հերքել են, թե նման բան է տեղի ունեցել: Իրականում ավելի են խորացրել կասկածները, քանի որ տեղի ունեցածի վերբերյալ հակասական մտքեր են հայտնել:

  • 22:02, 12 Նմբ 2019
    Նիկոլ Փաշինյանը կոչով դիմել է Իլհամ Ալիեվին

    Ոչ մի կերպ խաղաղության չնախապատրաստվող Ադրբեջանի նախագահին Հայաստանի վարչապետը Փարիզից հորդորել է հայտարարել, թե Ադրբեջանը նույնպես ցանկանում է, որ արցախյան հիմնախնդրի կարգավորումը բավարարի Հայաստանի, Արցախի ու Ադրբեջանի ժողովրդին: Այս հայտարարությունից առաջ Փաշինյանը մեկ այլ հայտարարություն է արել՝ ասելով, որ Ադրբեջանը հրաժարվում է Արցախի հետ ուղիղ երկխոսությունից, ինչը նշանակում է, որ Ադրբեջանը ուզում է Արցախը առանց արցախցիների:

  • 21:59, 12 Նմբ 2019
    «Բոլոլա»՝ ազգային ժողովում. ԲՀԿ-ի օրինագծերը մերժվում են

    Արցախյան պատերազմի հրամանատար Սասուն Միքայելյանը, որը մոտ մեկ տարի առաջ հայտարարում էր, թե 2018-ի իշխանափոխությունը ավելի կարևոր էր, քան Արցախյան ազատամարտը, այսօր խորհրդարանում անսպասելի հայտարարություն է արել: Նա կասկած է հայտնել, թե մի օր էլ իրեն կդատեն Խոջալուի ցեղասպանության մեղադրանքով: Իմ քայլական պատգամավորը այսպիսի դիտարկում է արել, երբ իր գործընկեր Հովիկ Աղազարյանը օրինագծերից մեկն անվանել է նյու-ֆիդայական:

  • 21:51, 12 Նմբ 2019
    ԱԳՆ-ում հանրապետականներից ստացած նամակը քաղաքավարի չեն համարում

    Զոհրաբ Մնացականյանի հրաժարականի պահանջի վերաբերյալ ստացած նամակը արտգործ նախարարությունը անքաղաքավարի է համարում: Հայլուրի հետ զրույցում նախարարության մամուլի խոսնակ Աննա Նաղդալյանը այսպես որակեց Հանրապետական կուսակցության երիտասարդական թևի ներկայացուցիչների նամակը, որը նրանք փոխանցել էին երեկ արտգործ նախարարության մոտ ակցիայի ժամանակ: Հանրապետական երիտասարդները ճամպրուկներով շենքի մոտ էին հասել այն պահին, երբ Զոհրաբ Մնացականյանը ճանապարհում էր Ռուսաստանի արտգործ նախարար Սերգեյ Լավրովին: