16:20, 11 Սեպ 2019
Հայաստան

ԱԻՆ Սեյսմիկ ծառայությունը հաղորդում է

ԱԻՆ Սեյսմիկ ծառայությունը հաղորդում է

Սեպտեմբերի 10-ին, տեղական ժամանակով 20:22-ին Հայաստան-Վրաստան սահմանային գոտում՝ Բավրա գյուղից 12 կմ հարավ-արևելք, 10 կմ խորության վրա, գրանցվել է 4.8 մագնիտուդով երկրաշարժ, որի ուժգնությունն էպիկենտրոնում կազմել է 6-7 բալ: Այն նախնական տվյալներով՝ զգացվել է Շիրակի, Լոռու, Տավուշի, Արագածոտնի, Արմավիրի մարզերում և Երևան քաղաքում: Սեպտեմբերի 11-ի ժամը 05:00 դրությամբ գրանցվել են 1.0-3.7 մագնիտուդով 100-ից ավելի հետցնցումներ, որոնք համեմատաբար թույլ են, քան առաջին ցնցումը, հետևաբար, կարելի է եզրակացնել, որ սեյսմիկ ակտիվությունը նվազում է:

Երկրաշարժը հարում է Ջավախքի ընդարձակման գոտուն (հրաբխային բարձրավանդակին)։ Ջավախքի հրաբխային բարձրավանդակը և հարակից տարածքները հատում են մի շարք ակտիվ խզվածքներ, որոնց հետ են կապված ինչպես պատմական, այնպես էլ արդի ժամանակաշրջանի բազմաթիվ երկրաշարժեր: Ջավախքի ընդհարձակման գոտին բնութագրվում է երիտասարդ հրաբխականությամբ և մեծ թվով թույլ և միջին ուժի երկրաշարժերով: Այս գոտու բարձր սեյսմիկության դրսևորումը կարող է բացատրվել գոյություն ունեցող հրաբխային օջախներով:

Սեյսմիկ պաշտպանության տարածքային ծառայությունը, համաձայն գործող կանոնակարգի, շարունակում է իրականացնել շուրջօրյա հերթապահություն և սեյսմիկ մշտադիտարկում:

Բազմապարամետրային մշտադիտարկման տվյալների վերլուծությունը ցույց է տալիս, որ, ամենայն հավանականությամբ, չեն սպասվում լարվածության դաշտի կտրուկ փոփոխություններ: Սեյսմիկ ռեժիմը գտնվում է վերահսկողության տակ: Հետագա զարգացման մասին կտրվի լրացուցիչ տեղեկություն:

Նմանատիպ նորություններ

  • 15:37, 20 Հնվ 2020
    Օդի ջերմաստիճանը 21-ի գիշերը կնվազի 6-8 աստիճանով

    Հանրապետության տարածքում՝ հունվարի 20-ի ցերեկն առանձին վայրերում սպասվում է թույլ ձյուն։ Հունվարի 21-22-ը, 23-ի գիշերը, 25-ի ցերեկը սպասվում է առանց տեղումների եղանակ, 23-ի երեկոյան ժամերին առանձին շրջաններում, 24-ին շրջանների զգալի մասում, 25-ի գիշերը Սյունիքում և Արցախում սպասվում է ձյուն:

  • 22:20, 19 Հնվ 2020
    Մահ, որ ցնցեց Հայաստանը

    Ուրբաթ իր բնակարանում հայտնաբերվեց ԱԱԾ նախկին տնօրեն՝ 38-ամյա Գեորգի Կուտոյանի մարմինը: Քունքին՝ հրազենային վնասվածք: Տան պատերին կրակոցների հետքեր, բնակարանում՝ գլոկ տեսակի ավստրիական ատրճանակ ու 4 տասնյակ պարկուճներ, գնադակներ: Ինքնապան է եղել կամ սպանվել է: Քննչական կոմիտեն դեռ հստակություն չի մտցրել: 

  • 22:10, 13 Հնվ 2020
    Էժան Եւրոպան թանկ հաճույք է

    Եթե արդեն ճամպրուկներ եք կապում, որ Հայաստանի երկնքում թևերը բացած Ռայան էյըրի ինքնաթիռներով Եվրոպա մեկնեք, մեր հաջորդ պատմությունը Ձեզ համար է: Ձրի պանիրը միայն թակարդում է լինում, այդպիսի մի փոքրիկ ծուղակ է 30 եվրոյով Եվրոպա թռչելու հնարավարությունը: 30 եվրո դուք վճարել եք միայն տոմսի համար, իսկ Ձեր ծանր ուղեբեռը այդ ավիաընկերությունում թանկ արժի: Ռայան էյրի նախկին աշխատակից Սարգիս Սիմոնյանը նախորոք զգուշացնում է բոլոր հնարավոր հիասթափությունների մասին:

  • 22:39, 8 Հնվ 2020
    Մարալիկի ծննդատունը լուծարելու որոշում կա

    Առավոտից փակված Գյումրի-Երևան ճանապարհը արդեն բաց է: Այն փակել էին Մարալիկի բնակիչները՝ բողոքելով առողջապահության նախարարության որոշման դեմ, որով այս տարվանից փակվում է քաղաքի ծննդատունը: Նախարարությունը պատճառաբանում է, թե ավելորդ ծախս է, քանի որ ծնունդները քիչ են: Մինչ Մարալիկում առողջապահության նախարարության ներկայացուցիչները փորձում էին համոզել, որ իրենց որոշումը հիմնավոր է, Մարալիկի ծննդատանը առավոտից արդեն երեք ծնունդ են ընդունել:

  • 23:01, 30 Դեկ 2019
    «Զվարթնոց» օդանավակայան. տարվա «3 միլիոներորդ ուղեւորը»

    Այսօր Զվարթնոցում վայէջք է կատարել այն ինքնաթիռը, որը Հայաստան է բերել այս տարվա 3 միլիոներորդ ուղևորին: Ինքնաթիռը ժամանել է Մոսկվայից: Օդանավակայանում բոլոր ուղևորներին դիմավորել են հայկական նվեր-գինիներով:

  • 23:15, 28 Դեկ 2019
    Նամակ՝ Վենետիկից. Հայաստանի հեղինակությունը վտանգվա՞ծ է

    Սահմանադրական դատարանի նախագահին մեղադրանք առաջադրելուց հետո, նոր մանրամասներ են ի հայտ գալիս Հրայր Թովմասյանի ենթադրյալ հանցագործության վերաբերյալ: