10:25, 13 Մայ 2021
Համայնքներ

Գորիսի փոխքաղաքապետ Մենուա Հովսեփյանի ճեպազրույցը՝ Սյունիքի իրադարձությունների մասին

oEF9vGk8rxs Դիտումներ

Գորիսի փոխքաղաքապետ Մենուա Հովսեփյանը ճեպազրույցում հայտնեց, որ ադրբեջանական զինվորականների գործողությունները դեռևս շարունակվում են, ինչ վերաբերվում է վնթացող բանակցություններին՝ դրանք շոշափելի արդյունք չեն տվել:

Հիշեցնենք, որ երեկ՝ մայիսի 12-ին, Պաշտպանության նախարարությունը հաղորդագրություն տարածեց, որ վաղ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։

«Հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։ Այս պահին ընթանում են բանակցություններ՝ ստեղծված իրավիճակը հարթելու ուղղությամբ»,– ասվում էր ՊՆ հաղորդագրությունում։

Ադրբեջանի զինուժը հետ չի քաշվել. Իրավիճակը՝ Սյունիքում

Իսկ ուշ երեկոյան արդեն վարչապետի պաշտոնակատար Նիկոլ Փաշինյանի գլխավորությամբ տեղի է ունեցել Անվտանգության խորհրդի արտահերթ նիստ, որում քննարկվել են Սյունիքի մարզի Սև լիճ տեղանքում ստեղծված իրավիճակը և հետագա քայլերը:

Նիկոլ Փաշինյանն իր խոսքում, մասնավորապես, նշել է. «Այսօրվա Անվտանգության խորհրդի նիստը նվիրված է Սյունիքի մարզի Սև լիճ տեղանքում և հարակից տարածքում տեղի ունեցող իրադարձություններին: Այսօր առավոտյան Ադրբեջանի զինված ուժերն այդ տեղանքում հատել են Հայաստանի Հանրապետության պետական սահմանը և խորացել մինչև 3,5 կիլոմետր, ըստ էության, փորձ են անում պարփակել Սև լիճը»: