22:35, 16 Հլս 2019
Իրավական

Վենետիկի հանձնաժողովի արձանագրության արձագանքը

kjkBv8MHjO8 Դիտումներ

Վենետիկի հանձնաժողովի սկանդալային զեկույցը խառնել է մեր երկրի դատաիրավական փոփոխությունների խաղաքարտերը: Իշխանության ամենատարբեր օղակներում քննարկում են զեկույցը, որում հստակ ու բավականին կոշտ դիտարկումներ կան Հայաստանում դատական բլոկադայի, սահմանադրական դատարանի ինքնահռչակ նախագահի ու վեթինգի մասին: Բայց որևէ մեկը դեռ չի ընդունում, որ վեթինգը, ինչպես նշված է, ո՜չ անհրաժեշտ է, ո՜չ էլ օգտակար, որ ողջամիտ չէ բարձր դատարանի ՙդատավոր՚-ՙանդամ՚ բառախաղը ու որ վարչապետի կոչով դատարանները արգելափակվեցին Ռոբերտ Քոչարյանին ազատ արձակելու դատարանի որոշումից հետո:
Ավելին՝ կառավարությունը փնտրում է այն խողովակը, որով հասանելի է դարձել փաստաթուղթը, իսկ խորհրդարանի փոխխոսնակը անգամ վստահ է՝ զեկույցի հրապարակումը պատիվ չի բերում Վենետիկի հանձնաժողովին:

Վենետիկի կամ, որ նույնն է՝ Իրավունքի միջոցով ժողովրդավարության Եվրոպական հանձնաժողովը Եվրոպայի Խորհրդի խորհրդատվական մարմին է: Դրա անդամները սահմանադրական դատարանների դատավորներ կամ խորհրդարանների անդամներ են՝ պարտադիր ավագ գիտական աստիճանով՝ սահմանադրական կամ միջազգային իրավունքի ոլորտում:

Նմանատիպ նորություններ