14:40, 21 Մար 2020
Իրավական

Արթուր Վանեցյանի փաստաբանները վերաքննիչ բողոք են ներկայացրել

Արթուր Վանեցյանի փաստաբանները վերաքննիչ բողոք են ներկայացրել

ԱԱԾ նախկին տնօրեն Արթուր Վանեցյանի ներկայացուցիչները Վերաքննիչ բողոք են ներկայացրել՝ հայցի ապահովման կիրառման միջնորդությունը մերժելու մասին Երևանի ընդհանուր իրավասության դատարանի որոշման դեմ: Վերաքննիչ բողոքը դատարան մուտք է եղել մարտի 20-ին և նույն օրը մակագրվել Վերաքննիչ քաղաքացիական դատարանի դատավոր Հարություն Ենոքյանին:

Ինչպես արդեն տեղեկացրել ենք՝ ԱԱԾ նախկին տնօրեն Արթուր Վանեցյանի ներկայացուցիչները հայցադիմում են ներկայացրել «Հայկական Ժամանակ» օրաթերթի դեմ` պահանջելով հերքել «Պատիվ ունե՞մ, թե՞ պատիվ չունեմ...» վերտառությամբ հոդվածում տեղ գտած զրպարտություն հանդիսացող տվյալները, հոդվածը հեռացնել և պարտավորեցնել հրապարակել հերքման տեքստը, փոխհատուցել պատճառված ոչ գույքային վնասը:

Վիճարկվող հոդվածում ԱԱԾ նախկին տնօրենի հասցեին մեղադրանքներ էր հնչեցվել՝ վարչապետ Փաշինյանի ընտանիքի դեմ վարկաբեկող նյութերի հրապարակումը կազմակերպելու համար։

«Տղամարդկային արժանապատվությունիցս ցածր է իջնել այդ մակարդակի: Ընտանիքն ինձ համար սրբություն է, իսկ այլոց վարկաբեկելու համար սեփական ընտանիքն օգտագործելու փորձերը` անընդունելի:
Այս կեղծիքն անպատասխան չի մնալու, իսկ այդ «հրապարակմամբ» արդեն իսկ զբաղվում են իմ փաստաբանները»,- 2019 թ. դեկտեմբերի 12-ին հայտարարել էր. Ա.Վանեցյանը:

Ավելի ուշ հայտնի դարձավ, որ Ա.Վանեցյանի ներկայացուցիչները հայցադիմում են ներկայացրել դատարան ընդդեմ «Հայկական ժամանակ» օրաթերթի, ինչը փետրվարի 21-ին դատարանը վարույթ է ընդունել։

«Ծանոթանալով հայցադիմումին և կից փաստաթղթերին` գտնում եմ, որ դրանք ներկայացվել են ՀՀ քաղաքացիական դատավարության օրենսգրքի 121-րդ և 122-րդ հոդվածներով նախատեսված պահանջներին համապատասխան, հետևաբար հայցադիմումը անհրաժեշտ է ընդունել վարույթ», - «Փաստինֆո»-ի հաղորդմամբ` նշվում է դատարանի փետրվարի 21-ին որոշման մեջ:

Միաժամանակ դատարանը մերժել էր հայցի ապահովման միջոց կիրառելու մասին հայցվորի միջնորդությունը, ինչի դեմ փաստաբանների վերաքննիչ բողոքը դատարան մուտք է եղել մարտի 20-ին և նույն օրը մակագրվել Վերաքննիչ քաղաքացիական դատարանի դատավոր Հարություն Ենոքյանին:

Նշենք, որ հայցվորը գույքային պահանջ չի ներկայացրել թերթի դեմ, այլ պահանջում է «Հայկական ժամանակ» օրաթերթին արգելել որոշակի գործողություններ կատարել։

Աղբյուր` Փաստինֆո

Նմանատիպ նորություններ

  • 13:43, 3 Ապր 2020
    Ռոբերտ Քոչարյանը տեղափոխվել է «Երևան-Կենտրոն» ՔԿՀ

    «Էրեբունի» բժշկական կենտրոնում ստացիոնար բուժում ստանալաուց հետո այսօր առավոտյան ՀՀ երկրորդ նախագահ Ռոբերտ Քոչարյանը տեղափոխվել է «Երևան-Կենտրոն» քրեակատարողական հիմնարկ։ Բժիշկները նրա առողջական վիճակում դինամիկա են արձանագրել, սակայն փաստել են, որ Ռոբերտ Քոչարյանը այս պահին բժշկի մշտական վերահսկողության և հետագա բուժման կարիք ունի։

  • 22:24, 30 Մար 2020
    Քաղաքացուն ենթադրյալ խոշտանգելու դեպք

    Մարդու իրավունքների պաշտպանի աշխատակազմը ահազանգ է ստացել 48-ամյա Տիգրան Կարապետյանի ենթադրյալ խոշտանգման մասին: Տղայի փաստաբանի պնդմամբ իր վստահորդին ոստիկանությունում ծեծել ու նվաստացրել են: Օմբուդսմեն Արման Թաթոյանը զրուցել է ոստիկանապետի հետ: Նա հայտնել է, որ արդեն հանձնարարել է ստուգել մանրամասները, հարուցված է քրեական վարույթ։

  • 23:13, 27 Մար 2020
    Որտե՞ղ է դատավոր Աննա Դանիբեկյանը

    Կորոնավիրուսի պատճառով աշխարհի բազմաթիվ երկրներ՝ Միացյալ Նահանգնները, Իրանը կալանավայրերից ազատ արձակեցին 1000-ավոր մարդկանց: Հայաստանում ևս այս շաբաթ նման նախադեպ է եղել: Մեկ մարդու խափանման միջոց փոխվել է: Իսկ երկրորդ նախագահի փաստաբանները Քոչարյանի խափանման միջոցի փոփոխման հարցը քննելու առնվազն 3 հիմնավորում են ներկայացրել: Դատավոր Աննա Դանիբեկյանը չկա:

  • 23:55, 24 Մար 2020
    «Պետությունը պետք է ապահովի անձի կալանքը փոխելու հարցի քննումը»

    Սահմանադրական կարգի ենթադրյալ տապալման գործով դատական նիստը անորոշ ժամանակով հետաձգվել է և երկրորդ նախագահի փաստաբանները դիմել են Վերաքննիչ դատարան: Չորս վարչապետների անձնական երաշխավորությամբ երկրորդ նախագահի կալանքը փոխելու միջնորդությունը առաջին ատյանի դատարանը չի քննում, քանի որ դատավոր Աննա Դանիբեկյանը վատառողջ է: Փաստաբան Հայկ Ալումյանը պնդում, որ ըստ Եվրոպական կոնվենցիայի՝ պետությունը պետք է անհապաղ ապահովի միջնորդության քննությունը:

  • 17:37, 24 Մար 2020
    Ռոբերտ Քոչարյանի պաշտպանը դիմել է ՄԻՊ-ին և ԲԴԽ-ին

    ՀՀ երկրորդ նախագահ Ռոբերտ Քոչարյանի փաստաբան Արամ Վարդևանյանը դիմել է Մարդու իրավունքների պաշտպան Արման Թաթոյանին և ԲԴԽ նախագահ Ռուբեն Վարդազարյանին։