17:27, 11 Սեպ 2019
Արցախ

Ստեփանակերտում բացվել է Արցախի և Ֆրանսիայի բնակավայրերի միջև բարեկամության ցուցանակը

Ստեփանակերտում բացվել է Արցախի և Ֆրանսիայի բնակավայրերի միջև բարեկամության ցուցանակը

Ֆրանսիայի խորհրդարանի պատվիրակության՝ Արցախ կատարելիք այցի շրջանակում Ստեփանակերտի Ազատամարտիկների պուրակում այսօր տեղի է ունեցել բարեկամության ցուցանակի բացման հանդիսավոր արարողությունը:

«Արցախպրես»-ի թղթակցի հաղորդմամբ` ցուցանակի բացման պատիվը տրվել է ԱՀ Ազգային ժողովի նախագահ Աշոտ Ղուլյանին և «Ֆրանսիա-Արցախ» Բարեկամության շրջանակի նախագահ Գի Տեսիեին: Ողջունելով ներկաներին` ԱՀ Ազգային ժողովի նախագահ Աշոտ Ղուլյանն ասել է, որ ցուցանակը Արցախի քաղաքացիներին և մայրաքաղաքի հյուրերին կպատմի երկու երկրների բարեկամության մասին: «Պատահական չէ, որ ցուցատախտակը տեղադրվել է հենց Ազատամարտիկների պուրակում, որը ազատության համար պայքարող մարտիկների պուրակն է, և նրանց մի մասն իրենց կյանքն են տվել Արցախի ազատության համար: Կարճ ժամանակահատվածում պուրակը դարձել է Ստեփանակերտի ամենասիրված անկյուններից մեկը, և մենք որոշել ենք հենց այստեղ խորհրդանշական ցուցատախտակ տեղադրել, որը կդառնա Արցախի ու Ֆրանսիայի բարեկամության խորհրդանիշներից մեկը»,- նշել է Ա. Ղուլյանը: 

Խորհրդարանի ղեկավարը հույս է հայտնել, որ համագործակցող քաղաքների թիվը կաճի, և անհրաժեշտություն կառաջանա նման ցուցանակներ տեղադրել Արցախի մյուս բնակավայրերում ևս:
 
Իր հերթին «Ֆրանսիա-Արցախ» Բարեկամության շրջանակի նախագահ Գի Տեսիեն նշել է, որ  ցուցատախտակը կարևոր խորհրդանիշ է երկու երկրների բարեկամության համար:
«Կարծում եմ` բոլորիս համար կարևոր է հիշել, թե որտեղից ենք գալիս, որպեսզի հասկանանք, թե ուր ենք գնում: Այս առումով կցանկանայի հարգանքի տուրք մատուցել բոլոր նրանց, ովքեր իրենց կյանքն են տվել ազատության համար: Այս հողում շատ տառապանքներ կան, և մարդկանց հիշողությունը դեռ թարմ է»,- ավելացրել է Գի Տեսիեն:

Նմանատիպ նորություններ

  • 22:47, 11 Նմբ 2019
    «Կենսաբանական լաբորատորիա», «Արցախի ժողովուրդ». Լավրովը՝ Երեւանում

    Թավշյա հեղափոխությունից հետո առաջին անգամ Հայաստանում էր Ռուսաստանի արտգործնախարարը: Սերգեյ Լավրովը, որ անցած ամսվա վերջին քննադատել էր վարչապետ Փաշինյանի՝ Արցախը Հայաստան է և վերջ հայտարարությունը՝ ասելով, թե այն բարենպաստ չէ արգելակված քաղաքական գործընթացի համար այսօր հանդիպել է Փաշինյանին: Հայաստանի վարչապետը Լավրովի հետ զրույցում էլ կրկնել է իր հայտնի միտքը, թե մեր երկրում տեղի ունեցած քաղաքական փոփոխություններից հետո Ռուսաստանի հետ հարաբերությունները նոր դինամիկա են ստացել:

  • 21:48, 11 Նմբ 2019
    Հայաստան-Արցախ. մեկ սեր

    Օգոստոսին Արցախի հաղթանակած բանակի հերոսների ժառանգներին Շուշիի բերդի տարածքում հավաքած Հաղթանակած նախաձեռնությունը միավորման նոր ձևաչափ է մտածել: Երևանից Ստեփանակերտ սիրո ֆլեշմոբերի մասին ռեպորտաժում:

  • 12:51, 5 Նմբ 2019
    «Արցախի քաղաքացուն ՀՀ ՀՔԾ-ն բերման ենթարկել չի կարող. Վիտալի Բալասանյան

    Նոյեմբերի 5-ին մամուլը գրել էր, որ Արցախի Ազգային անվտանգության խորհրդի պաշտոնաթող քարտուղար Վիտալի Բալասանյանին Հատուկ քննչական ծառայությունը բերման ենթարկելու որոշում է կայացրել և որոշումն ուղարկել Արցախի դատախազություն՝ կատարման։

  • 11:34, 5 Նմբ 2019
    Արցախում զինծառայող է մահացել

    Նոյեմբերի 4-ին՝ ժամը 19:30-ի սահմանում, դեռևս չպարզված հանգամանքներում, մահացու հրազենային վիրավորում է ստացել ՊԲ հարավ-արևելյան ուղղությամբ տեղակայված զորամասերից մեկի զինծառայող, 2000թ. ծնված Էրիկ Արարատի Հարությունյանը, հայտնում են ՊԲ լրատվական ծառայությունից։

  • 22:22, 4 Նմբ 2019
    Արցախում ստորագրահավաք է սկսվել՝ ազատություն Քոչարյանին պահանջով

    Արցախում չեն սպասում ՄԻԵԴ-ի ու Վենետիկի հանձնաժողովի գնահատականներին: Արցախի հերոս Վիտալի Բալասանյանը Քոչարյանին ազատ արձակելու պահանջով ստորագրահավաք է սկսել: Նախաձեռնությանը միացածները հայտարարում են, որ չեն հանդուրժի հաղթանակների նսեմացումը:

  • 20:42, 2 Նմբ 2019
    «Շկոլի-շկոլի». երազանքի դպրոց ստեփանակերտում

    Եվ վերջում տեղափոխվենք հայկական երկրորդ հանրապտություն: Արցախցի փոքրիկները կրթության նոր ձևեր են փնտրում: Կրթական ֆորում 2019-ին Նախագահ Բակո Սահակյանն է բարի ընթացք մաղթել, քանի որ կարծում է ֆորումը լուծում է ոչ միայն այսօրվա խնդիրները, այլ նաև կանխորոշում է երկրի ապագան: