16:07, 2 Սեպ 2019
Արցախ

Ամենայն Հայոց Կաթողիկոսը շնորհավորել է Արցախի ժողովրդին Հանրապետության օրվա առիթով

Ամենայն Հայոց Կաթողիկոսը շնորհավորել է Արցախի ժողովրդին Հանրապետության օրվա առիթով

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը շնորհավորական ուղերձ է հղել Արցախի Հանրապետության նախագահ տիար Բակո Սահակյանին և հավատավոր ժողովրդին Հանրապետության օրվա առիթով:

«Մայր Աթոռ Սուրբ Էջմիածնից Հայրապետական Մեր օրհնությունն ու շնորհավորանքներն ենք հղում Ձեզ, Լեռնային Ղարաբաղի պետական այրերին և մեր ողջ հավատավոր ժողովրդին Արցախի Հանրապետության օրվա առիթով:
 
Արդեն 28-րդ տարին անընդմեջ ազգովի տոնախմբում ենք պատմական անարդարությունների դեմ նորագույն շրջանում հայ ազգի հաղթանակն ազդարարող` Արցախի անկախության հռչակման տարեդարձը։ Տոնում ենք արդար հպարտությամբ հաղթությունը մեր զավակների հերոսական պայքարի, որի շնորհիվ Արցախը դարձավ համայն մեր ժողովրդի ազատ ու արժանապատիվ կյանքի նոր հույսերի փարոսը: Պատերազմական դժվարին տարիներին մեր ժողովրդի զավակների հեղած արյամբ նվիրագործվեց արցախյան հողը, որի երջանիկ ու անվրդով կյանքի համար տակավին հարկադրված ենք պայքարել, երբեմն անգամ մեր զավակների կյանքի գնով:
 
Բարձրորեն գնահատում ենք խիզախ ոգին ու նվիրումը արցախաբնակ մեր զավակների, հայրենի սահմաններն անառիկ պահող մեր քաջարի զինվորների, որոնց հանձնառության շնորհիվ զորեղ ու լավատես է նաև աշխարհասփյուռ հայոց հոգին և կյանքը:
 
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարինուղարկելով sms հաղորդագրություն՝ նշելով համապատասխան կոդը` -44-:
 
Ադրբեջանի բռնությունից ազատագրման այս օրը վերստին հաստատում ենք մեր Սուրբ Եկեղեցու զորակցությունը Արցախին և նրա բարեսեր ժողովրդին: Հայոց Եկեղեցին իր օրհնությամբ և ողջ ներուժով շարունակելու է սատարել հայրենի պատմական հողի վրա վերականգնված ազատ ու անկախ պետականության ամրապնդման սրբազան առաքելությանը: Դրա անուրանալի վկայությունը նաև հոգեփրկչական օրհնաբեր գործունեությունն է Արցախի թեմի, որի հիմնադրման 30-ամյա տարեդարձը նշանավորվեց Ստեփանակերտի նորակառույց Սուրբ Աստվածածին առաջնորդանիստ եկեղեցու օծումով:
 
Մայր Աթոռ Սուրբ Էջմիածնից Մեր հայցն ենք առ Աստված բարձրացնում, որ Երկնավոր Տերը ին զորակից լինել Արցախի մեր հերոս ժողովրդին՝ պարգևելով աննկուն կամք ու ոգի՝ հաղթահարելու պարտադրյալ պատերազմի բոլոր դժվարությունները: Թող Բարձրյալ Տերը խաղաղ ու անսասան պահի Արցախ աշխարհը, շեն ու պայծառ՝ արցախահայության կյանքը», - ասված է Վեհափառ Հայրապետի շնորհավորագրում: 


Նմանատիպ նորություններ

  • 18:26, 16 Հնվ 2020
    Հակառակորդի կրակոցից զինվոր է վիրավորվել. վիճակը ծանր է

    Հունվարի 15-ին, ժամը 16.30-ի սահմաններում, ՀՀ հյուսիսարևելյան ուղղությամբ տեղակայված զորամասերից մեկի մարտական դիրքում, ըստ նախնական տվյալների, հակառակորդի կողմից ՍՎԴ տեսակի դիպուկահար հրազենից արձակված կրակոցից հրազենային բեկորային վիրավորում է ստացել պայմանագրային զինծառայող, շարքային Արթուր Հրաչիկի Մեժլումյանը (Տավուշի ԶԿ):

     
  • 22:28, 14 Հնվ 2020
    Արցախ. Բաքվի ջարդերի ականատեսը

    Այն երկիրը, որ Բաքվում հայերի ջարդեր է կազմակերպել, այսօր չպետք է կարողանա խոսել Արցախի՝ իբր ադրբեջանական համայնքի մասին:  Սարասար Սարյանը հիշում է 30 տարի առաջվա սև հունվարը ու ցավում, որ այսօր բանակցություններն այնպես են ընթանում, որ Արցախի ադրբեջանական համայնքի մասին տեքստեր են ասում ոչ միայն Բաքվից, այլ անգամ եռանախագահ երկրներից:

  • 13:13, 27 Դեկ 2019
    Արցախի ՊՆ-ի պարզաբանումը զինծառայողների ծնողների ուղարկած սնունդը հրամանատարի կողմից պատուհանից դուրս շպրտելու դեպքի առնչությամբ

    ԱՀ ՊՆ մամուլի ծառայությունից տեղեկացնում են, որ դեկտեմբերի 26-ին տարբեր լրատվամիջոցներ տարածել են տեղեկատվություն այն մասին, որ ՊԲ զորամասերից մեկի ստորաբաժանման հրամանատարը երկրորդ հարկի պատուհանից դուրս է նետել ժամկետային զինծառայողների ծնողների ուղարկած սնունդը:

  • 22:59, 24 Դեկ 2019
    ԼՂ հիմնահարց. Հայաստանի դիրքը

    Տնտեսական անվտանգությունը դեռ մի կողմ փորձագիտական հանրությունը անհանգստացած է հատկապես անվտանգային կարևորագույն խնդրով արցախյան բանակցությունները, Արցախի ու Հայաստանի անվտանգության խորհուրդների վերջին համատեղ նիստը շատ բաց հարցեր են թողել: Ադրբեջանական համայնք բառակապակցությունն էլ դուրս է եկել ադրբեջանից ու հիմա հնչում է անգամ համանախագահների հայտարարություններում:

  • 22:15, 23 Դեկ 2019
    Հայաստան-Արցախ. համատեղ անվտանգության «կարմիր գծերը»

    Երևանում հայկական երկու հանրապետությունների անվտանգության խորհուրդների համատեղ նիստում Արցախի նախագահը հրապարակել է պաշտոնական Ստեփանակերտի կարմիր գծերը, որոնք չեն կարող խախտվել ադրբեջանա-ղարաբաղյան հակամարտության կարգավորման որևէ՛ փուլում: 

  • 22:14, 23 Դեկ 2019
    Արցախի հարցը փորձություն է, իսկ ի՞նչ է պոպուլիզմը

    «Արցախը բեռ համարող մարդիկ ոչ միայն ազգային ու թիմային չեն, այլեւ պրագմատիկ չեն»: Այս համոզմանն է «Վերնատուն» հասարակական-քաղաքական ակումբի հիմնադիր Վազգեն Մանուկյանը, որը արցախյան պատերազմի ամենաթեժ պահին գլխավորել է Հայաստանի պաշտպանության նախարարությունը: Այսօր, երիտասարդների հետ հանդիպման ժամանակ, նա պնդել է, որ Արցախը բեռ համարողները ոչինչ չեն հասկանում աշխարհից: