13:20, 21 Մայ 2019
Արտաքին քաղաքականություն

«Արի Բաքու». Ադրբեջանի դեսպանը ուղերձ է հղել Մխիթարյանին

«Արի Բաքու». Ադրբեջանի դեսպանը ուղերձ է հղել Մխիթարյանին


Ամենահայտնի հայ ֆուտբոլիստ Հենրիխ Մխիթարյանին ուղերձ է հղել Մեծ Բրիտանիայում Ադրբեջանի դեսպանը: Թահիր Թաղիզադեն վստահեցրել է, որ անձամբ է երաշխավորում Հայաստանի ֆուտբոլի ազգային հավաքականի ավագի անվտանգությունը մայիսի 29-ին Բաքվում կայանալիք Եվրոպա լիգայի ՙԱրսենալ՚-ՙՉելսի՚ եզրափակիչ խաղի ժամանակ: ՙՈւրախ կլինեի, եթե Մխիթարյանն անձամբ խոսեր ինձ հետ: Եթե մեր նպատակը լիներ նրա շուրջ քաղաքական խաղեր խաղալը, դա այլ հարց է, բայց Հենրիխին վճարում են որպես ֆուտբոլիստի, ոչ թե որպես քաղաքական գործչի, ուստի եկեք մի կողմ թողնենք մնացած բոլոր հարցերը: Արի Բաքու, մենք կապահովենք քո անվտանգությունը՚,- ասել է Մեծ Բրիտանիայում Ադրբեջանի դեսպանը: Մխիթարյանի Արսենալը դեռ վերջնական որոշում չունի, սպասում է ՈւԵՖԱ-ի պաշտոնական պատասխանին:

 

Նմանատիպ նորություններ

  • 23:05, 20 Սեպ 2019
    ՊՆ-ն չի բացառում գերիների փոխանակումը՝ Ադրբեջանի առաջարկով

    Սա այն դեպքում, երբ փոխանակումը բացարձակ անհամարժեք են համարում փորձագետները, իսկ Արցախում լսել անգամ չեն ցանկանում Բաքվի հերթական շանտաժի մասին:

  • 23:53, 12 Սեպ 2019
    Ադրբեջանը ՀԱՊԿ-ու՞մ. հարցը չի դիտարկվում, բայց դռները բաց են

    Կրքերը թեժանում են հավաքական անվտանգության պայմանագրի կազմակերպությունում: Ռուսաստանը, պարզվում է, դեմ չէ, որ Ադրբեջանը դիտորդի կարգավիճակ ստանա ՀԱՊԿ-ում: Ադրբեջանը, որ միայն անցած գիշեր կրակել է Արցախի շրջանների ու Հայաստանի 4 մարզի ուղղությամբ: Իսկ ՀԱՊԿ-ի կանոնադրությունը պնդում է՝ եթե անդամ պետություններից որևէ մեկը ենթարկվի ագրեսիայի, ապա անդամ պետությունները դա կհամարեն ագրեսիա բոլոր անդամ պետությունների դեմ:
     

  • 23:35, 11 Սեպ 2019
    Բոլթոնը հեռացավ. իսկ ու՞ր է «Բոլթոնի պլանը»

    Մեր տարածաշրջանում իր օրիգինալ պլաններով հայտնի Բոլթոնի պաշտոնանկությունից, կամ ինչպես ինքն է պնդում՝ հրաժարականից հետո՝ դեռ անորոշություն է: Փորձագետները վաղ են համարում ենթադրությունները, թե հակաիրանական կոշտ քաղաքականություն գծած ճարտարապետի հեռանալուց հետո՝ հնարավոր է ավելի չափավոր մեկը գա:
    Իրանի կառավարությունը մեկնաբանելով Բոլթոնի պաշտոնանկությունը, հիշեցրել է, որ Ջոն Բոլթոնը ամիսներ առաջ խոստացել էր, որ 3 ամսից Իրանը չի լինի: Իրենք կանգուն են, իսկ Բոլթոնը հեռացավ:

  • 00:13, 7 Սեպ 2019
    «Շիշկինը խնդիր չէ». ԱԳ նախարարի առաջին մեծ ասուլիսը

    Հայաստանի արտգործնախարարը բացառում է, որ հայ-ուսական հարաբերություններում խնդիրներ առաջանան ռուս ակտիվիստ Վիտալի Շիշկինին Հայատանում ապաստան տալու պատճառով: Զոհրաբ Մնացականյանի խոսքով՝ երկու երկրների միջեւ դատաիրավական որոշ գործընթացներ կան, որոնք չեն ազդում միջպետական հարաբերությունների վրա