22:48, 16 Հնվ 2020
Առողջապահություն

Ծննդատները. Եղվարդին՝ եւս մեկ շանս, Աչաջուրը կփակվի

smMFs3GoLXk Դիտումներ

Հանրապետությունում յոթ ծննդատուն փակելու սկանդալային նախաձեռնության վերաբերյալ այսօր կրկին պարզաբանումներ է տվել առողջապահության նախարարը: Տարեկան 150-ից պակաս ծնունդ ընդունող ո՞ր ծննդատներում երեխաներ կծնվեն, որում՝ ոչ: Այս հարցի շուրջ՝ նախարարի յոթ րոպեանոց ճեպազրույցից հասկացվում է, որ Եղվարդի ծննդատանը ժամանակ են տալիս ծնունդների վիճակագրությունը բարելավելու եւ բուժսարքավորումներով վերազինվելու համար: Իսկ Աչաջրի առողջության կենտրոնը, որը սպասարկում է նաեւ սահմանապահ գյուղերի բնակիչներին, ծնունդներ չի ընդունի: «Ցանկացած արտակարգ դեպքի պատասխանատվությունը նախարար Թորոսյանի վրա է»,- հայտարարել է ծննդատան բժիշկը:

Նմանատիպ նորություններ

  • 22:17, 20 Փտր 2020
    Կորոնավիրուս. Հայ-իրանական սահմանի հսկողությունն ուժեղացվել է

    Մեղրիի անցակետում ուժեղացվել է հայ-իրանական սահմանի հսկողությունը: Հարևան պետությունում կորոնավիրուսով վարակման 5 դեպք է գրանցվել: Վարակակիրներից երկուսը մահացել են: Երեքը հիվանդանոցում են: Հայաստանի առողջապահության նախարարությունը կապի մեջ է Թեհրանում մեր դեսպանատան ու Իրանի առողջապահության նախարարության հետ:

  • 22:04, 18 Փտր 2020
    Կորոնավիրուս. 11 միլիոն մարդ մեկուսացվել է արտաքին աշխարհից

    Կորոնավիրուսի զոհերի թիվը մոտենում է երկու հազարի: Աշխարհում վարակակիրների ընդհանուր թիվը հասնում է 73.000-ի: Բուժվածները 13.000-ն են: Չինաստանի Հուբեյ նահանգում բնակիչներին արգելել են դուրս գալ տներից: Արգելքը խախտողներին սպառնում է ազատազրկում մինչև 10 օր: Վիրուսը նաև հիվանդության դեմ պայքարոզ բժիշկներին չի խնայում: Այս պահին վարակված է 1700-ից ավելի բժիշկ:

  • 22:39, 10 Փտր 2020
    Բացառիկ վիրահատություն Հայաստանում

    Մեր հաջորդ պատմությունը մի փոքրիկի մասին է, որ ծնվել էր մոտ 1.5 կիլոգրամանոց գոյացությունով, բայց աննախադեպ վիրահատությունը ազատել է երեխային իր կեսի չափ կշռող խնդրից:

  • 22:45, 9 Փտր 2020
    Այլմոլորակային ընկերը

    Տեխնոկրատ Հայաստանի ամենաարժեքավոր ծնունդներից մեկը՝ Ռոբին ռոբոտը, արդեն 2 ամիս է երեւանյան մի հիվանդանոցում բժիշկների հոգսն է կիսում: Երեխաների բարձր տրամադրությունն է ապահովում, որ ռենտգեն հետազոտությունն ու ներարկիչները չվախեցնեն փոքրիկներին: Ռոբինը միակն է աշխարհում, որը տարբերում է մարդու հույզերը: Չնայած տարիքին կարող է ինչուիկների ցանկացած հարցի պատասխանել:

  • 22:07, 8 Փտր 2020
    Կորոնավիրուս. Բժշկական դիմակներն սպառվում են

    Աշխարհը սարսափի մեջ պահող կորոնովիրուսի պատճառով սպառվել են բժշկական դիմակների համաշխարհային պաշարները: Այդ մասին հայտարարել է առողջապահության համաշխարհային կազմակերպության ղեկավարը: Համաճարակի ֆոնին դիմակների պահանջարկն ավելացել է հարյուր անգամ, ինչի հետևանքով դրանց գինը քսան անգամ բարձրացել է: Իսկ վիրուսը չի նահանջում: Աշխարհում զոհերի թիվը հասել է 724-ի: Վարակակիրները՝ մոտ 35.000-ն են:

  • 22:23, 5 Փտր 2020
    Թունավոր էկլեր. Վանաձորի հիվանդանոցում 50 թունավորված կա

    Թունավորման մասսյական դեպք է գրանցվել Լոռիում: Վանաձորի ինֆեկցիոն հիվանդանոցում այս պահին բուժում է ստանում 50 քաղաքացի: Թունավորման պատճառը Երևանից Լոռի հասած էկլերներն են, որոնք բնակիչները գնել են խանութից: Դեպքից հետո, ընկերությունը դադարեցրել է թխվածքի վաճառքը ամբողջ հանրապետությունում: