11:16, 7 Հոկ 2019
Հասարակություն

Լրագրողական կազմակերպությունների հայտարարությունը՝ «Հայելի» մամուլի ակումբում տեղի ունեցած միջադեպի առնչությամբ

Լրագրողական կազմակերպությունների հայտարարությունը՝ «Հայելի» մամուլի ակումբում տեղի ունեցած միջադեպի առնչությամբ

 Հոկտեմբերի 5-ին մի խումբ երիտասարդներ գնացել են «Հայելի» մամուլի ակումբ և նույն տարածքում գտնվող «Hayeli.am» կայքի խմբագրություն, ձվեր են նետել և «դատապարտող» պաստառներ փակցրել լրատվամիջոցի պատի ու փակ մուտքի դռան վրա։ Նրանք հայտարարել են, որ եթե խմբագրությունը բաց լիներ, նույնը կանեին ներսում։ Ըստ երիտասարդների՝ այս քայլի դրդապատճառը «Hayeli.am»-ում հրապարակված` «Ալիևի ուշացած, բայց հուժկու պատասխանը Փաշինյանին» հոդվածն է (հետագայում հուժկու բառը փոխարինվել է չակերտավորված «ուժգին»-ով)։

Զերծ մնալով նշված հրապարակման վերնագրի մասնագիտական գնահատականից՝ մենք՝ ներքոստորագրյալ կազմակերպություններս, արձանագրում ենք, որ այն կարծիք է, դատողություն, որի արտահայտման իրավունքը ժողովրդավարական հասարակությունում ունի յուրաքանչյուր ոք՝ անկախ նրանից, թե դա ոմանց դուր է գալիս, թե ոչ։ Հետևաբար՝ անընդունելի և դատապարտելի են այն քայլերը, որոնք կարող են ճնշել կամ ոտնահարել այդ իրավունքը։

Միևնույն ժամանակ արձանագրում ենք, որ ԶԼՄ-ների բևեռացումն ըստ քաղաքական-ֆինանսական ճամբարների` հանգեցրել է նրան, որ լրատվամիջոցների զգալի մասը վերածվել է քարոզչամիջոցի՝ սպասարկելով նախևառաջ դրանց սեփականատերերի ու հովանավորների շահերը։ Գործի են դրվել «ուղեղների լվացման» բոլոր մեթոդները, այդ թվում` ֆեյք-լուրերը, միտումնավոր խեղաթյուրված փաստերը, աչառու, մոլորեցնող մեկնաբանությունները և այլն։ Հանրության շրջանում դա առաջացնում է անթաքույց վրդովմունք, ինչը որոշ դեպքերում դրսևորվում է անթույլատրելի գործողություններով։

Հաշվի առնելով վերոգրյալը` պահանջում ենք.

Իշխանություններից և ընդդիմադիր քաղաքական ուժերից՝ հանդես գալ հայտարարություններով և կոչ անել իրենց աջակիցներին ու համակիրներին՝ զսպվածություն ու հանդուրժողականություն ցուցաբերել այլ կարծիքներ և տեսակետներ արտահայտողների նկատմամբ,

Իրավապահ մարմիններից՝ քննության առնել «Hayeli.am»-ի խմբագրության տարածքում տեղի ունեցած միջադեպը և հիմքերի առկայության դեպքում կիրառել պատասխանատվության միջոցներ,

Տարբեր քաղաքական ճամբարների շահերը սպասարկող ԶԼՄ-ներից՝ վերադառնալ պրոֆեսիոնալ դաշտ. հրաժարվել մանիպուլյացիաներից, զերծ մնալ ապատեղեկատվություն տարածելուց, հետևել լրագրողական էթիկայի նորմերին, հարգել ու ներկայացնել հասարակության մեջ առկա կարծիքների բազմազանությունը։

 

ԽՈՍՔԻ ԱԶԱՏՈՒԹՅԱՆ ՊԱՇՏՊԱՆՈՒԹՅԱՆ ԿՈՄԻՏԵ

ՄԵԴԻԱ ՆԱԽԱՁԵՌՆՈՒԹՅՈՒՆՆԵՐԻ ԿԵՆՏՐՈՆ

ԲԱԶՄԱԿՈՂՄԱՆԻ ՏԵՂԵԿԱՏՎՈՒԹՅԱՆ ԻՆՍՏԻՏՈՒՏ – ՀԱՅԱՍՏԱՆ

ԼՐԱԳՐՈՂՆԵՐԻ «ԱՍՊԱՐԵԶ» ԱԿՈՒՄԲ

ԻՆՖՈՐՄԱՑԻԱՅԻ ԱԶԱՏՈՒԹՅԱՆ ԿԵՆՏՐՈՆ

ՀԱՆՐԱՅԻՆ ԼՐԱԳՐՈՒԹՅԱՆ ԱԿՈՒՄԲ

«ԼՐԱԳՐՈՂՆԵՐ ՀԱՆՈՒՆ ԱՊԱԳԱՅԻ» ՀԿ

ԳՈՐԻՍԻ ՄԱՄՈՒԼԻ ԱԿՈՒՄԲ

«ԼՐԱԳՐՈՂՆԵՐ ՀԱՆՈՒՆ ՄԱՐԴՈՒ ԻՐԱՎՈՒՆՔՆԵՐԻ» ՀԿ

 

Նմանատիպ նորություններ

  • 20:58, 21 Հոկ 2019
    Մարդասիրության կտավը

    Ավրորայի հերոսներն ու Օրրանի երեխաները միավորվում են՝ համաշխարհային մարտահրավերները դիմակայելու համար: Նրանք ուղիներ են փնտրում՝ պատերազմներից մինչեւ գլոբալ տաքացման խնդիրներին վերջ դնելու համար: 

  • 14:48, 21 Հոկ 2019
    Կրկեսը մոտենում է ավարտին․ Արա Վարդանյան

    Այսօր մենք ապրում ենք կրկեսում: Եկեք լինենք անկեղծ և խոստովանենք, որ զվարճալի տեսարանների պակաս չենք զգում և որպես հանդիսատես բոլորս կարծես թե բավարարված ենք: Ընդունեք նաև, որ մեզ սրա մասին շատ հստակ զգուշացրել էին. «Մենք կրկեսի վերածելու հայրենիք չունենք»:

  • 22:55, 20 Հոկ 2019
    Վրաերթը վտանգավոր է, անտարբերությունը՝ ավելի

    Անտարբերությունը ոչ միայն նոր հանցագործություն է ծնում, նաև վիրավորում է այն մարդկանց, որոնք ինչ որ մեկի պատճառով հայտնվել են ծանր կացության մեջ, իսկ այդ մեկը՝ չի էլ ցանկանում հետաքրքրվել՝ ի՞նչ եղավ հետո: Այդպիսի մի պատմության մեջ է հայտնվել կոռուպցիոն սկանդալի պատճառով ՊՎԾ պետի պաշտոնից հեռացված Դավիթ Սանասարյանը: Նրա անտարբերությունից վիրավորված մի կին՝ այս շաբաթ ոստիկանություն հաղորդում տարավ, որ մեկ ամիս առաջ Սանասարյանը իր երեխային վրաերթի է ենթարկել: Իրականում սա մի խճճված պատմություն է, որը փորձել է բացել Լիլիթ Խալաթյանը: Նաև տալ այն հարցի պատասխանը, թե ինչո՞ւ երեխային վրաերթի ենթարկելու դեպքի մասին հիվանդանոցից չեն հայտնել ոստիկանություն:

  • 22:53, 20 Հոկ 2019
    Շաբաթվա հեշթեգեր

    Հայաստանյան լրատվական աղմուկը շաբաթվա ընթացքում խլացնում էր Արցախյան հարցի վերաբերյալ հնչած վերջին հայտարարությունները: Այս շաբաթ Երևան-Ստեփանակերտ-Բաքու տրանզիտով անցավ միջնորդ եռյակը: Արցախում՝ ռուսաստանցի համանախագահ Պոպովը արձագանքեց Ալիևի՝ «Ղարաբաղը Ադրբեջան է և բացականչական նշան» հայտարարությանը: Նա նկատեց, որ Սերգեյ Լավրովը մեկ անգամ արդեն ասել է, որ նման ձևակերպումները խոչընդոտում են Արցախի հարցը բանակցությունների ճանապարհով լուծելուն:  

  • 22:52, 20 Հոկ 2019
    Զովասարում ցուրտ է. կին չկա

    Այս պահին էկրաններին ավելի մոտ թող նստեն փեսացու փնտրող աղջիկները: Հատկապես նրանք, ովքեր մտածում են, թե անհույս տան են մնացել: Ոչ, սիրելիներ, մենք ձեզ համար գտել ենք մի գյուղ, որը հայտնի է չամուսնացած տղաների ռեկորդային թվով: Այստեղ հարս գնալու համար մի կարևոր պայման կա. պատրաստ լինի շաատ սիրել ամուսնուն, որ կենցաղային մեծ ու փոքր խնդիրները աչքին չերևան:

  • 22:41, 19 Հոկ 2019
    «Սեղմում հենարանից». Հայաստանի առաջնություն

    Հաշմանդամություն ունեցող մարզիկների ելույթներով է Երևանում մեկնարկել սեղմում հենարանից վարժության առաջնությունը: Այս տարի մրցմանը մասնակցում է հաշմանդամություն ունեցող մոտ 50 մարզիկ, նախորդ տարիներից գրեթե 2 անգամ ավելի: