10:57, 11 Սեպ 2019
Հասարակություն

Աշխատանքից ազատվելու դիմում գրել է ոչ միայն Վանեցյանը. Հրապարակ

Աշխատանքից ազատվելու դիմում գրել է ոչ միայն Վանեցյանը. Հրապարակ

hraparak.am-ը գրում է. Երեկ լուր տարածվեց, որ ԱԱԾ տնօրեն Արթուր Վանեցյանն աշխատանքից ազատվելու դիմում է գրել, ապա Փաշինյանի հորդորով հրաժարվել։ Լուրն արագությամբ հերքեցին պատկան մարմինները, բայց Հայաստանը փոքր երկիր է, եւ նման տեղեկությունները, որոնք, որպես կանոն, իրական են լինում, արագ են տարածվում։ Մենք փորձեցինք լրացուցիչ տեղեկություններ ստանալ այդ հրաժարականից, կառավարությանը մերձ շրջանակից մեզ ուշագրավ տեղեկություններ հաղորդեցին։

Ասացին, որ ոչ միայն Վանեցյանը, կառավարության գրեթե բոլոր անդամները պարբերաբար դիմումներ են գրում, ապա դրանք պատռվում են վարչապետի կամ հենց դիմումատուների կողմից։ Նման դիմումներ գրել են ե՛ւ փոխվարչապետերը, ե՛ւ նախարարները, ե՛ւ քաղաքապետը։ Բանն այն է, որ Նիկոլ Փաշինյանի հետ աշխատելը հեշտ չէ՝ նա բռնկվող է, անհավասարակշիռ, զայրանալիս կարող է մարդուն վիրավորել, ասել՝ դիմում գրի, գնա։ Հետո պաղում է, երբեմն՝ փոշմանում, բայց դիմացինները ծանր են տանում այդ պահվածքը եւ փորձում են թողնել հեռանալ։

 

Նմանատիպ նորություններ

  • 22:29, 13 Սեպ 2019
    Բանկային չերաշխավորված գաղտնիք. ԿԲ-ի պարզաբանումը

    Հանրության տարբեր հատվածներին ցնցող Հայաստանի իշխանության սկանդալային նախաձեռնությունները իրար հետ չեն տալիս: Իրավաբաններն ու տնտեսագետները կառավարության երեկվա նիստից հետո չեն կարողանում հասկանալ, թե ինչպես կարող է պետությունը բանկային գաղտնիքի մասին օրենքի վերաբերյալ այնպիսի փոփոխություններ առաջարկել, որոնք կարող են վտանգել քաղաքացիների բանկային հաշվիների մասին տեղեկությունների գաղտնիությունը:
    Հործադիրում երեկ քննակվեց ու հաստատվեց օրենսդրական փոփոխությունների մի փաթեթը, որով նախատեսում է, որ եթե պարզվի ֆինանասական հանցագործություն արած մեկը երբևէ օրինակ փող է փոխանցել ձեր հաշվին, իրավապահները կբացեն ոչ միայն նրա, այլ նաև ձեր բանկային հաշիվները:

  • 22:27, 13 Սեպ 2019
    Ծննդկանի մահը. նոր մանրամասներ

    24-ամյա ծննդկանի մահվան գործով անցնող բժիշկը, պարզվում է երկու տարվա մեջ երրորդ անգամ է կասկածվում աշխատանքը թերի կատարելու մեջ: Մի գործով, անգամ, Արմեն Խաչատրյանը մեղավոր է ճանաչվել, սակայն ստորագրությամբ ազատ է արձակվել ու շարունակում է ղեկավարել Մարգարյան հիվանդանոցի Մանկաբարձական բաժինը:

  • 23:55, 12 Սեպ 2019
    Սևազգեստ մայրերը 7 օր կսպասեն կառավարության պատասխանին

    Ծառայության ընթացքում զոհված կամ վիրավորված զինվորների ընտանիքներում բողոք է հասունանում: Սևազգեստ մայրերը մտածում են անգամ հացադուլ ու նստացույց սկսելու մասին: Պատճառը Կառավարության որոշումն է, որ պետք է բյուջեի ավելցուկային փողը տան ոչ թե իրենց, այլ մարտի մեկի զոհերի ընտանիքներին:

  • 23:52, 12 Սեպ 2019
    Ցոլակ Խաչատրյանի հայցն ընդդեմ ՊՆ-ի

    Նախկին զինծառայող Ցոլակ Խաչատրյանը, չնայած սահմանադրական դատարանի վճռի շնորհիվ առաջին ատյանի դատարանում հաղթել է պաշտպանության նախարարության դեմ գործը, բայց դատարանի որոշումից դժգոհ է: Նա պահանջում է փոխ-հատուցում ծառայության ընթացքում բոլոր 307 չօգտագործած վճարովի արձակուրդի օրերի համար: