ԼՈՒՐԵՐ

-ից
Մինչև
  • 23:19, 11 Հոկ 2019
    Հայաստանում ծնելիության խնդիր կա

    Շիրակում, ըստ մամուլի, վաղը կավարտվի փորձնական մարդահամարը, որը Հայաստանի իշխանությունը անցկացնում է՝ 2020-ի համահայաստանյան պաշտոնական մարդահամարից առաջ: Վարչապետ Փաշինյանը Ստեփանակերտում օգոսոտսի 5-ին հայտարարեց, որ 30 տարի անց Հայաստանի բնակչությունը 5 միլիոն պետք է լինի:
    Դեմոգրաֆիկ խնդիրների մեծ ուսապարկ կա այժմ մեր պետության ուսին: Հայաստանում շատ երեխաներ ունենալը մոդայիկ դարձնելու համար կառավարությունը փորձում է նորաստեղծ ընտանիքների սոցիալական բեռը ավելի թեթևացնել: Սակայն տնտեսական թռիքչները միայն կարող են օգնել մեր պետությանը կրճատել աղքատների թիվը: Ի դեպ, այս տարվա սկզբին էր Հայաստանի վարչապետը տնտեսական հեղափոխություն խոստացել:

  • 23:17, 11 Հոկ 2019
    Հայրենիքի պաշտպանների տեսած Հայրենիքը

    Հայաստանի նախագահը մասնակցել է հարենիքը պաշտպանած տղաների լուսանկարների ցուցադրությանը: Սահմանին վիրավորված տղաներին առողջությունը վերականգնվելուց հետո, նոր մասնագիտություն ձեռք բերել օգնում է Երևան իմ սեր հիմնադրամը:

  • 23:15, 11 Հոկ 2019
    Հայաստանում կանայք ավելի մեծ հնարավորություններ պետք է ունենան

    Ընտրական նոր օրենսգրքով Հայաստանում կանանց ավելի մեծ հնարավորություններ կտրվեն մասնակցելու քաղաքական պրոցեսներին: Այս մասին այսօր խոսել են Երևանում՝ կուսակցությունների մասին նոր օրինագծի քննարկման ժամանակ: Հայաստանում կանանց ավելի լայն իրավունքներով օժտելու մասին ՄԱԿ-ի ամբիոնից խոսել էր նաև Նիկոլ Փաշինյանը` դա համարելով համարձակ քայլ ժողովրդավար Հայաստան կառուցելու ճանապարհին: Ի դեպ, աշխարհում այսօր նշում են աղջիկ երեխաների միջազգային օրը:

  • 23:13, 11 Հոկ 2019
    Ծխելու դեմ օրինագիծ՝ ծխող երկրում

    Ծխելու դեմ պայքարում հեղափոխական մի քանի գաղափար առաջարկելուց ու հանրային ընդվզման հանդիպելուց հետո, առողջապահության նախարարությունը հիմա էլ այդ գաղափարները օրենսդրական փաթեթով է ներկայացնում: Ծխախոտի ծուխը հանրային վայերում, փակ տարածքներում արգելելու վերաբերյալ մասնագիտների քննարկումը լսելուց հետո, Վաչե Մատինյանը նաև երևանցիների կարծիքն է լսել:

  • 23:08, 11 Հոկ 2019
    Փաշինյանը հիշեցնում է Ալիևին պատմությունը

    Թուրքմենստանում ԱՊՀ երկրների ղեկավարների հավաքին Հայաստանի վարչապետը կոշտ պատասխանել է Ադրբեջանի նախագահին՝ նրա ելույթը անվանելով հայ ժողովրդի և ԱՊՀ երկրների ղեկավարների նկատմամբ անհարգալից վերաբերմունք: Ադրբեջանի նախագահը ասել էր, թե Հայաստանում հերոսացվում է ֆաշիզմը: Նախկին իշխանությունը Երևանի կենտրոնում կանգնեցրել է Գարեգին Նժդեհի արձանը, և այն կանգուն է մինչև այսօր: Ալիևը դա անվանել է «ցինիկ քայլ»: Հայաստանի վարչապետը հայտարարել է, որ տեղին չի համարում հանդիպման այս ձևաչափն օգտագործել պատմությունն աղավաղելու, կարևոր հանդիպման մթնոլորտը լարելու համար: Ոչ պաշտոնական աղբյուրը հայտնում է, որ այս միջադեպից հետո՝ Նիկոլ Փաշինյանն ու Իլհամ Ալիևը մոտ երկու ժամ առանձանզրույց են ունեցել: