ԼՈՒՐԵՐ

-ից
Մինչև
  • 23:16, 29 Նմբ 2019
    Գլխավոր դատախազը միշտ է աշխատել «Հիսուսի բարդույթով»

    Հիսուսի բարդույթով է միշտ աշխատել գլխավոր դատախազը: Արթուր Դավթյանը այդ մասին խոստովանել է լրագրողների հետ զրույցում: Միևնույն ժամանակ նշել է, որ աշխատելիս հույսը միայն Աստծու վրա չեն դնում: Փորձում են մաքսիմալն անել, որպեսզի կարողանան Հայաստան վերադարձնել, օրինակ նախկին պաշտոնյանների, որոնց դեմ քրեական գործեր են բացվել: Ի դեպ, Դավթյանը համաձայն չէ, թե նախկինները իրավապահ մարմիններից թաքնվում են Ռուսաստանում: Այլ երկրներում գտնվողների մասին էլ շուտով կհայտարարվի,- ասել է դատախազը:

  • 23:15, 29 Նմբ 2019
    Երեւանի նվիրատուների հետքերը

    Երեւանի քաղաքապետարանին կամազներ նվիրած ընկերությունների և նախկին ու ներկա պաշտոնյաների միջև կապի մասին այսօրվա գաղտազերծումներից հետո «Լուսավոր Հայաստան» խմբակցությունը հանդես է եկել խորհրդարանում քննիչ հանձնաժողով ստեղծելու նախաձեռնությամբ:

  • 23:14, 29 Նմբ 2019
    Բուլղարացի պատգամավոր. «ստամբուլյան կոնվենցիան մեծ թակարդ է»

    «Ստամբուլյան կոնվենցիան մեծ թակարդ է և Հայաստանը պետք է մերժի այն». կոնվենցիայի մասին այս կարծիքին է Բուլղարիայի խորհրդարանի պատգամավոր Ալեքսանդր Սիմովը: Նա Հայաստանում է՝ ներկայացնելու իր երկրի փորձը, որը հրաժարվեց վավերացնել տարիներ առաջ ստորագրած կոնվենցիան:

  • 23:12, 29 Նմբ 2019
    Ադրբեջանում իշխանության ճգնաժամ է

    Հարևան Ադրբեջանի խորհրդարանը երկուշաբթի կքննարկի ինքնալուծարվելու և արտահերթ ընտրություններ անցկացնելու վերաբերյալ Իլհամ Ալիևին դիմումը: Ադրբեջանի նախագահին սատարող «Ենի Ադրբեջան» կուսակցությունը, որ Միլի Մեջլիսում բացարձակ մեծամասնություն է կազմում, արդեն հայտարարել է, որ սատարելու է արտահեր ընտրությունների առաջարկին: Քաղաքական աճպարարությունն են համարում սա փորձագետները և իշխանությունը քայլ առ քայլ Մեհրիբան Ալիևային փոխանցելու իմիտացիա:

  • 23:11, 29 Նմբ 2019
    ԵՄ-ն՝ ՀՀ-ում փոքր եւ միջին ձեռնարկությունների «դեսպան»

    Երևանում ներկայացրել են խելացի կոշիկ, որը կհետևի տիրոջ քաշին ու ֆիզիկական ակտիվությանը: Նոու-հաուն ստեղծվել է Եվրամիության ֆինասնավորմամբ: Կառույցը ցանկանում է մեր երկրում դառնալ փոքր ու միջին բիզնեսի, նորարարությունների դեսպանը:

  • 23:07, 29 Նմբ 2019
    Զինգրքույկի «գինը»՝ 10 միլիոն դրամ եւ 1 ամիս ծառայություն

    Օրինական դասալքությու՞ն, թե՞ քայլ դեպի պրոֆեսիոնալ բանակ: Իմ քայլական պատգամավոր Հայկ Սարգսյանը, որը հայտնի դարձավ իշխանափոխության օրերին՝ որպես Նիկոլ Փաշինյանի թիկնապահ, առաջարկում է 10 միլիոն դրամ վճարել, մեկ ամիս ծառայել ու զինգրքույկ ստանալ: Այս առաջակին դեմ են նրա թիմակիցները, կողմ է ընդդիամդիր պատգամավորներից մեկը: Կիսապատերազմական երկրի պաշտպանության փոխնախարարը տարակուսած է այս առաջարկից, քանի որ չի պատեկերացնում, թե ինչպես կարելի է մեկ ամսում զինվորական գործին գոնե մի քիչ մոտենալ ու զինգրքույկ վերցնել, համալրել պահեստազորի շարքերը: Ի դեպ, կառավարությունը 2020-ից այլևս չի երկարաձգելու այն օրենքի ժամկետը, որը հնարավորություն է տալիս բանակից խուսափած երիտասարդներին 27 տարեկանից հետո, վճարի դիմաց ազատվել քրեական պատասխանատվությունից: Պաշտպանության նախարարության պաշտոնյան հիշեցրել է, որ զինվորական ծառայության հիմքը Սահմանադրությունն է, որտեղ գրված է՝ ցանկացած քաղաքացի պարտավոր է մասնակցել Հայաստանի սահմանների պաշտպանությանը:

  • 23:05, 29 Նմբ 2019
    Մայրը 20 տարի է փնտրում է դստերը

    30-ից ավելի հայ երեխաների իտալացիներին ապօրինի որդեգրման տալու գործը կբացահայտվի, եթե 36-ամյա կնոջը դատախազությունը օգնի հասնել արդարության ու 20 տարի անց գտնել իր դստերը, վստահ է Սյուզաննա Պատվականյանի փաստաբանը: